Qərb Universitetin nəzdində “KNAUF İnformasiya Mərkəzi” açıldı

Ölkəmizdə, tələbələr, gənc mütəxəssislər müntəzəm olaraq Azərbaycan Memarlıq və İnşaat Universitetinin nəzdində KNAUF Tədris-Məsləhət Mərkəzi və № 4, №14 Peşə Məktəbləri bazasında olan KNAUF Resurs Mərkəzlərində innovativ Knauf məhsulları və sistemləri ilə yaxından tanış ola bilərlər və habelə işin praktiki vərdişlərini əldə edə bilərlər.

20/05/2016 tarixində KNAUF Marketing Baku MMC və Qərb Universiteti arasında birgə əməkdaşlıq müqaviləsi imzalanmışdır. Çox sevindirici haldır ki, birgə əməkdaşlıq çərçivəsində Qərb Universitetin nəzdində “KNAUF Məlumat Mərkəzi” açıldı. Ümid edirik ki, Mərkəzin fəaliyyəti Universitetin tələbələri üçün dizaynda müasir materialların və innovativ texnologoyilarının daha səmərəli tətbiqində öz töhfəsini verəcək.

Həmçinin KNAUF Şirkəti “DİZAYNDA İNNOVASİYA TEXNOLOGİYALARI VƏ MÜASİR MATERİALLAR” beynəlxalq elmi seminarda iştirak etdi.

Giriş sözü ilə seminarı açıq elan edən Qərb Universitetinin Dizayn kafedrasının müdiri Pərvanə Ş. Əliyeva çıxış edərək bu tədbirin əhəmiyyətindən danışdı və gələcəkdə müasir material və innovasiya texnologiyaları haqqında gənc mütəxəssislərin və tələbələrin məlumatlandırılması üçün üsul və vasitələrin seçiminin vacibliyini qeyd etdi.

Çıxış üçün söz “Knauf Marketing Baku”nun Baş direktoru Samir A. Quliyevə verildi, o çıxışında dizaynerlər və mermarlar üçün ixitsas artırmanın əhəmiyyətini qeyd edərək, qabaqcıl təcrübənin öyrənilməsi imkanları haqqında danışdı. Sonra isə çıxış edən «KNAUF GİPS» Rusiya Mərkəzi tədris şöbəsinin rəhbəri Yelena V. Parikova tədris prosesində Knauf materiallarının tətbiqi haqqında məlumat verdi və elektron dərs vəsaitinin təqdimatını keçirtdi.